LEGADOS. Espazos para o coidado das creacións contemporáneas.

"Legados. Espazos para o coidado das creacións contemporáneas" é un proxecto impulsado pola Fundación Gabeiras que nace da preocupación compartida co sector da arte contemporánea polo destino dos legados dos artistas de maior idade, así como pola situación económica e xurídica que adoita acompañar este colectivo.

A iniciativa aborda a necesidade de garantir a conservación, a xestión e a transmisión do patrimonio artístico contemporáneo, ofrecendo un marco de reflexión e propostas concretas a través dun estudo sociolóxico e dun informe xurídico elaborados en colaboración con Gabeiras & Asociados.

Tras as presentacións realizadas no Museo Reina Sofía (Madrid, setembro de 2023), no Museu d’Art Contemporani de Barcelona (MACBA) (abril de 2024) e no Museo Ruso de Málaga (xullo de 2024), o proxecto entra agora nunha segunda fase, na que amplía o seu ámbito de traballo ás artes escénicas e á música e incorpora a análise e preservación dos seus arquivos coreográficos, líricos e musicais desde unha perspectiva interdisciplinar.

En Galicia, Legados conta coa colaboración da Fundación DIDAC coa vontade de situar o debate no contexto galego, analizar as particularidades do tecido artístico local e abrir un espazo de diálogo sobre o futuro dos legados e arquivos de artistas contemporáneos.

A presentación en Galicia co apoio do Centro Galego de Arte Contemporánea faise co obxectivo de situar o debate no contexto galego, analizar as particularidades do tecido artístico local e abrir un espazo de diálogo sobre o futuro dos legados e arquivos de artistas contemporáneos, para o que se fará esta xornada o día 29 de novembro no CGAC en Santiago de Compostela.