Após um ano 2020 em que polas condiçons sociais e sanitárias decidimos cancelar a programaçom, estamos imersas na preparaçom dumha nova ediçom da Jornada de Rebeliom Juvenil. Esta jornada, a 16ª do nosso percorrido, decorrerá, como a noite anterior ao Dia da Pátria em Compostela, concretamente no Parque de Belvis.

Sob a legenda “Voltar às ruas para recuperarmos o futuro ” de BRIGA fazemos um chamado à necessidade recuperarmos às ruas como espaço central de atividade dos movimentos populares. Depois da parálise desde março de 2020 por motivo da pandemia amossou-se a incompetência na gestom da crise gerada e pretende-se que seja a classe trabalhadora quem a pague. Umha crise da que se responsabilizou desde um começo com especial ênfase à juventude. Mais dum ano depois, as responsáveis seguem levando a cabo as mesmas políticas pondo por cima determinados interesses económicos sobre a saúde da populaçom e tentando inibir toda resposta aos seus abusos. É hora, portanto, de fazer ver que somos capazes de recuperar as ruas, sendo responsáveis da segurança da nossa classe, algo que, nom obstante, as responsáveis das consequências desta crise nom tenhem demonstrado.

É por isto que fazemos um chamado, especialmente à mocidade, a ajudar na construçom dumha jornada que consideramos fundamental para a música em galego, a criaçom de ócio alternativo e para a reinvindicaçom nacional, de género e de classe na nossa cultura.

Consideramos fundamental que o dia 24 seja umha jornada nom só lúdica, mas também reivindicativo. A isto com o que queremos contribuir dinamizando os discursos contrahegemónicos, numha jornada que consolide essa rebeliom juvenil que precisa este país para avançar na criaçom dum movimento juvenil forte e combativo, que será peça fundamental da nossa libertaçom nacional e de género.

Animamos a participar das diferentes atividades que se levarám a cabo em como o jantar em solidariedade com as presas independentistas e o brinde pola absolviçom das encausadas da Operaçom Jaro, organizado junto com Ceivar. Também encorajamos a assistir à manifestaçom independentista juvenil unitária convocada junto com Erguer, Galiza Nova, Isca e Mocidade pola Independência, que sairá às 20h. da Alameda. Manifestaçom convocada em defensa da construçom dumha República Galega como única ferramenta para conquistarmos um futuro digno para as classes populares deste país.

Por último, queremos agradecer a todas as que destes a vossa achega para possibilitar que saia adiante a jornada. Nos próximos dias ampliaremos informaçom sobre os protocolos sanitários para garantir que seja umha jornada segura para todas.

Copia de BORRADORRRRRRRRR

Siga este organizador para se manter informado sobre os próximos eventos

Eventos que poderão ser do seu interesse

2026 Camino De Santiago - The Finisterre Way2026 Camino De Santiago - The Finisterre Way

ROSÉ THE CLUB SÁBADO 20 DICIEMBREROSÉ THE CLUB SÁBADO 20 DICIEMBRE

nosday26nosday26

2026 Camino De Santiago - The Finisterre Way

ROSÉ THE CLUB SÁBADO 20 DICIEMBRE

nosday26