Cantos na Maré 2019 en Pontevedra

NORDESÍA

O Cantos na Maré regresa á cidade de Pontevedra os días 13, 14 e 15 de setembro para celebrar unha décimo quinta edición

Pazo da Cultura de Pontevedra E Teatro Principal

Esta edición acollerá 15 concertos e máis dunha ducia de actividades. Os espectáculos terán lugar no Pazo da Cultura, no Teatro Principal, no Museo de Pontevedra e en diferentes espazos do Casco Vello, que se converterá nun auténtico escenario. Sen abandonar a idea primixenia da lingua como conexión de Galicia coa Lusofonía, Cantos na Maré dá un paso máis e toma unha nova reorientación. O Festival quere atravesar máis mares, deixarse alumear por máis lúas e espallarse a máis mundos. Coa música como gran nexo, desde a música de raíz ás músicas urbanas pasando polas voces corais e a polifonía, Cantos na Maré será de novo un espazo de encontro para artistas de varios continentes. Os espectáculos terán lugar no Pazo da Cultura, no Teatro Principal, no Museo de Pontevedra e en diferentes espazos do Casco Vello, que se converterá nun auténtico escenario.

SÁBADO 14 DE SETEMBRO ÁS 20:30 HORAS NO PAZO DA CULTURAMAYRA ANDRADE (Cabo Verde)A estrela caboverdiana, abandeirada do pop tropical e afincada en Lisboa, vén de lanzar o seu quinto álbum, ‘Manga’, en crioulo e en portugués. Nel regresa aos sons da música africana do continente (foi gravado en Abidjan e París) coas súas raíces caboverdianas. Neste traballo traza unha delgada liña que oscila entre o urbano, o afrobeat e a música tradicional do seu país. Colabora Kim Alves, o famoso multiinstrumentista da illa, canda unha nova xeración de músicos do Occidente africano e o produtor de Costa do Marfil 2B. A súa música é fresca e versátil. Un cóctel onde reformula a súa música materna e explora os sons tropicais. Non somos quen de atopar unha definición exacta do seu estilo, pero a súa música evoca a Cabo Verde, á costa brasileira, e ás zonas desérticas africanas. A súa música soa a verán. É unha mestura de cores radiantes que bailan, ritmos de veludo e melodías que arrecenden. A súa voz está sutilmente sazonada con pementa, como se a Europa do pop fose sempre un arquipélago tropical. As súas cancións evocan o verán eterno cunha pinga de exotismo. Cantadas en crioulo caboverdiano, inglés e portugués, os temas falan de romanticismo, sensualidade… Pop tropical.

DOMINGO 15 DE SETEMBRO ÁS 20:30 HORAS NO PAZO DA CULTURA DE PONTEVEDRAENREDADAS (Martirio, Uxía, Carmen París, Ugia Pedreira + convidadas)O jazz flamenco de Martirio, a voz atlántica de Uxía, a forza maña de Carmen París e a orixinalidade poética de Ugia Pedreira reúnense no proxecto “Enredadas: Coplas e Alalás”, que suma para o concerto de peche do Cantos na Maré voces da Lusofonía que se unirán a este cuarteto. Enredadas naceu co fin de promover, fomentar e difundir a arte como encontro; estreitar o coñecemento e a experiencia destas cantoras que revisitan a copla, a jota ou os alalás. Catro mulleres que reinventaron e revolucionaron estes xéneros e lles deron unha nova vida e unha nova visión desde o risco, a experimentación e a creación de novos contidos e arranxos que entroncan co jazz e outras músicas facendo que chegue a outra audiencia.A afinidadade que senten vén dada polo atrevemento, a solidez e o humor cos que elas enfrontaron este reto. Diríase que son almas xemelgas de universos culturais diferentes, o que fará que o espectáculo sexa unha festa da música de raíz e de irmandade.Abordarán musicalmente o repertorio arroupadas polas guitarras de Sérgio Tannus e Marcos Teira, creando texturas ben curiosas entre as cordas que as acompañarán, as voces, as percusións e o piano de Carmen París.

Maria João &amp; Pablo LapidusasDOMINGO 15 DE SETEMBRO ÁS 13:00 HORAS NO TEATRO PRINCIPALMaria João é unha cantora de jazz portuguesa. Ela é coñecida pola súa flexibilidade vogal e a súa capacidade de improvisación. Aínda que sexa normalmente asociada ao jazz a sua música incorpora unha mestura de folk/étnico, jazz moderno, música brasileira, avant-garde, electronica, sinfónico e outros estilos.Maria João Monteiro Grancha (Lisboa, 1956), filha de pai portugués e nai mozambicana, é a gran dama da acrobacia vogal. Ela canta os máis diferentes xéneros e envólveos co seu particular estilo de interpretación. Presenta as súas cancións como mini dramas cheos de gracia e paixón explosiva, acompañada por unha linguaxe corporal dramática, incorporando tamén pasos de danza. Durante máis de 25 anos traballou regularmente co pianista Mario Laginha, con quen lanzou ducias de discos e ofreceu centos de concertos por todo o mundo. Ten colaborado con grandes da música mundial como Gilberto Gil, Aki Takase ou Niels Henning. No Cantos na Maré estará acompañado polo pianista arxentino-brasileiro Pablo Lapidusas, que conta cunha sólida carreira en solitario, con varios discos publicados.Web: <a href="http://mariajoao.org" target="_blank" data-msys-clicktrack="0" rel="nofollow noopener noreferrer">http://mariajoao.org</a><a href="https://pablolapidusas.com" target="_blank" data-msys-clicktrack="0" rel="nofollow noopener noreferrer">https://pablolapidusas.com</a>

CLARA PEYADOMINGO 15 DE SETEMBRO ÁS 18:00 HORAS NO TEATRO PRINCIPALEspaña – pop, jazz, electrónicaPianista e compositora, Clara Peya é considerada unha das creadoras máis orixinais e únicas que apareceron nos últimos tempos na escena musical do país. Unha biografía frenética que transita entre a música, elo teatro e o activismo e que este 2019 foi recoñecida co Premio Nacional de Cultura da Generalitat de Cataluña e co galardón a Mellor disco do año pola crítica dos Premios Enderrock para ‘Estómac’ (Satélite K, 2018).Musicalmente, Peya é inclasificable: bascula entre a música de cámara, o jazz, o pop e a electrónica, mantendo sempre como centro de gravidade o piano.Ela é enerxía e sentimento en estado puro, sen deixar de lado o grito e o compromiso coa liberdade. Unha personalidade artística contaxiosa e torrencial que en directo se ispe, se transforma e se dispersa por todo o escenario e máis alá. A súa forma persoal de tocar fixo que sexa considerada unha das pianistas catalás máis escénicas e transgresoras.Feminista declarada, defínese a si mesma como «inquieta, visceral, intensa e transcendente». Clara Peya fuxe de tópicos e, sobre todo, cree no poder da arte para a denuncia «á miña música dígolle romántico-contemporánea ou punki-romántica». A música éo todo para ela, utiliza o piano para expresarse, ser libre e transmitir ideas.Web:<a href="http:// http://clarapeya.com/es/" target="_blank" data-msys-clicktrack="0" rel="nofollow noopener noreferrer"> http://clarapeya.com/es/</a>

Escenario Fest Galicia (PRAZA DA PEDREIRA)Venres 13 de setembro (7€ anticipada / 9€ billeteira) - de 19.00 a 1.00<ul><li>Sesión DJ</li></ul><ul><li>Laura Lamontagne (GL): hiphop, ambient, folclore medieval con cantigas de Martín Códax, composicións propias e adaptacións de Rosalía, Lorca ou Pessoa. </li><li>Vivi Pozzebon (ARX): fusión de ritmos arxentinos e latinoamericanos con músicas de raíces africanas festivas. </li><li>Bia Ferreira (BR): Cantora, compositora e multi instrumentista, Bia Ferreira conquistou o Brasil co seu canto de resistencia antirracista, que abaneou as estruturas racistas, machistas e LGBTIfóbicas do seu país</li><li>DJ Mil &amp; Mohammed Yahya (GL/MZ): O galego Dj Mil e o mozambicano afincado en Londres traen un show cheo de hip hop, afro soul, enerxía e positivismo.</li><li>Sesión DJ</li></ul>

Sábado 14 de setembro (7€ anticipada / 9€ billeteira) - de 19.00 a 1.00<ul><li>Sesión DJ</li><li>Livia Mattos (BR): A súa música mestura a música popular brasileira con influencias cosmopolitas, como o baile caribeño, a música nordestina e outras músicas rexionais do Brasil.</li><li>Zeltia Irevire (GL): A voz e a guitarra de Zeltia e o bodhran de Migui Carballido consiguen adentrarnos nunha viaxe onde o folk-rock e o blues se mesturan con outros momentos máis acústicos e tribais. </li><li>Sesión DJ</li><li>Tierra Fértil: proxecto que revisa a música de raíz e a improvisación con marabillosos músicos de Guiné-Bissau, Brasil, Galicia e Cuba: Alejandro Vargas, Dandara Dandara, Mú Mbana, Mauricio Caruso, Jose Manuel Díaz e Carlos Freire.</li><li>Assa Matusse (MZ): Vén de publicar o seu primeiro disco, ‘+ Eu’, que confirma a mozambicana como unha artista que fai da música un produto máis alá do efecto estético. Trátase dun traballo que quere ser un exemplo de loita, vencendo o medo, a soidade e o pesimismo.</li><li>Brazil Dub (BR): Orixinarios do estado do Espírito Santo, naceron hai pouco máis de un ano e son xa considerados pola crítica a nova promesa da escena reggae.</li><li>NaPalma (BR/MZ): O seu espectáculo é o resultado da mestura de grooves electrónicos poderosos coa percusións, os ritmos que proveñen da herdanza afrobrasileira e as voces en portugués, inglés e shangaan (Mozambique).</li></ul>

Our {communityGuidelinesLink} describe the sort of content we prohibit on Eventbrite. If you suspect an event may be in violation, you can report it to us so we can investigate.

To report other categories of prohibited or illegal content, submit {link}

Cantos na Maré 2019 en Pontevedra

Más eventos de NORDESÍA

Descubre más eventos de NORDESÍA, desde Música hasta otras experiencias que te encantarán.

Cantos na Maré 2019 en Pontevedra

Más eventos de NORDESÍA

Descubre más eventos de NORDESÍA, desde Música hasta otras experiencias que te encantarán.

También te podría gustar...

Explora más eventos con diferentes fechas, precios y formatos para encontrar tu próxima gran experiencia.