Anna Amigó, arpa e voz

Anna mergullouse no cancioneiro catalán para presentar un traballo único, Sang de Dona, o seu primeiro álbum en solitario.

Domingo, 22 de marzo de 2026 - 12:00 h
Anna Amigó, arpa e voz
Capilla del Santo Ángel
Rúa Vila Real, 6
32002 Ourense

Entradas: 10€
https://gratiaplenafestival.eventbrite.com
Entradas físicas: MUSICAL GONZALEZ
C/ Díaz de la Banda, 12B, Ourense, tel. 988 237209

Organiza:
Fundación Santamarina-Temes
Coordina:
Shelly Art Management
https://www.shellyart.com
Patrocina:
Consellería de Cultura da Xunta de Galicia
https://culturaelingua.xunta.gal/portada
Colaboran:
https://www.colegiosantoangel.net
http://www.asociacionporticomusical.org
https://libreriaeixo.com
----------
ANNA AMIGÓ arpa / voz / composición

A música de Anna ten un amplo abanico de cores, ritmos e sons. A súa obra “A cançó sense lletra” foi nomeada aos Premis Enderrock 2016. Participou en festivais e ciclos de concertos de diferentes países de Europa, incluído o Festival Internacional de Arpa de Dinan (Bretaña). En 2023 realizou a composición da banda sonora do documental sobre a prehistoria Coves de l'Espluga. Foi premiada coa Axuda Fundació SGAE 2024. Anna é semifinalista do World Harp Competition 2026 de Utrech (Paises Baixos), semifinal que terá lugar non vindeiro mes de abril.

Sang de Dona (en galego, Sangue de Muller) é o seu primeiro álbum en solitario. Anna mergullouse no cancioneiro catalán para presentar este traballo único, un conxunto de 12 cancións, seleccionadas coidadosamente e adaptadas aos nosos tempos. O título Sang de Dona e as outras disciplinas artísticas combinadas no álbum agochan temas intensos sobre mulleres e problemáticas que AÍNDA sofren hoxe en día. Ao escoitar o álbum un queda arrodeado dun aura coa que Anna preséntanos a estas protagonistas resilientes, para darlles vida e poder. Anna transforma dunha maneira maxistral as cancións tradicionais, sempre repetitivas, en novas melodías, cadros musicais modernos e unha forma de explicalas cheas de emoción, traxedia e tensión.

Musicalmente, tanto a brillante voz de Anna como a súa forma pouco convencional de tocar o arpa, ás veces tranquila e melódica, outras veces tumultuosa ou apoteósica, reforzan a trama e enchen as cancións de emoción. As atmosferas creadas acentúanse aínda máis mediante diversas técnicas no arpa, como o seu uso como instrumento de percusión ou imitando un baixo eléctrico.

O álbum contou coa produción artística do recoñecido músico e compositor catalán Eduard Iniesta. Grazas á orixinalidade de Sang de Dona, á súa coidada produción e ao seu forte arraigamento no territorio e a historia popular, Anna Amigó sitúase firmemente no mapa da escena folclórica contemporánea.
----------
A Fundación Santa Marina de Temes organiza GRATIA PLENA - un festival en feminino - evento que pretende dar a coñecer o traballo das mulleres artistas nun espazo de gran valor patrimonial que pertence á Fundación, a capela do Santo Anxo do barrio do Couto (Ourense). Esta capela do ano 1925 é obra do arquitecto ourensán Daniel Vázquez-Gulías e contén un conxunto de 23 vidrieiras marabillosas deseñadas por Jesús Soria, artista asturiano que residiu en Ourense.
O festival ten lugar no mes de marzo, nos domingos previo e posterior ao día 8, Día Internacional da Muller. Esa data é ademáis o día de San Faustino Núñez, santo ourensán fundador da orde das Calasancias, congregación que xestiona o Colegio Santo Ángel e que forma parte do mesmo recinto. Os dous concertos-recitais permiten así contemplar a capela en todo o seu esplendor, ao ser ás 12h da mañá (hora do Ánxelus).
GRATIA PLENA lévanos pola música e os textos das artistas e das creadoras nunha das xoias do noso patrimonio, lévanos por un camiño sen dúbida marabilloso, por un camiño cheo de gracia.