Bioblitz - Campus de Ourense e Vigo

Unidade de Cultura Científica e da Innovación da Universidade de Vigo

Participa no 1º Bioblitz da UVigo! Explora o ecosistema natural dos campus de Ourense e Vigo e identifica o maior número de especies posible

Cidade Universitaria

Bioblitz Universidade de Vigo (Campus de Ourense e Vigo)A﻿ Unidade de Cultura Científica e da Innovación organiza o primeiro Bioblitz da Universidade de Vigo, unha actividade dirixida ao público xeral no cal as persoas participantes se convirten en exploradoras das ricas contornas naturais nas que están localizados os campus universitarios de Ourense e Vigo. D﻿urante esta xornada, as persoas participantes, distribuídas individualmente ou en equipos de ata cinco persoas, terán que localizar e identificar tantas especies como sexa posible durante dúas horas de exploración. A actividade estará guiada por científicos da Oficina de Medio Ambiente (OMA) da UVigo, que ensinarán técnicas para facer unha observación responsable e informada de plantas e animais empregando a aplicación móbil iNaturalist, que permite tomar e identificar fotografías xeorreferenciadas. A actividade estará guiada por científicos da Oficina de Medio Ambiente (OMA) da UVigo, que entre as 10:00 e as 10:30 horas ensinarán técnicas para facer unha observación responsable e informada de plantas e animais empregando a aplicación. A continuación, realizarase a exploración e ás 12:00 terá lugar o reconto de especies e a entrega de premios para aqueles grupos que logren un maior número de observacións cualificadas.Esta actividade ten un número limitado de participantes, polo que, se queres apuntarte, é importante que o fagas o antes posible! Conferencia Bioblitz en Pontevedra
No marco do Bioblitz, haberá tamén unha conferencia o luns, día 8 de maio, ás 19:00 horas na Casa das Campás de Pontevedra, a cargo de Adolfo Cordero, catedrático de Ecoloxía e Bioloxía Animal, baixo o título: ‘Biodiversidade, moito máis ca xenes e especies’, dirixida a un público xeral. 

Cal é o obxectivo do Bioblitz?O﻿ obxectivo do Bioblitz é achegar as persoas ao medio ambiente e á diversidade, de xeito que aumenten os seus coñecementos sobre estes conceptos e comprendan a súa importancia, así como facelas partícipes do seu seguimento e posta en valor. O﻿nde faremos o Bioblitz?R﻿ealizarase no campus das Lagoas de Ourense e no campus de Vigo (CUVI). Os puntos de encontro serán a pista de atletismo do campus de Ourense, localizada a carón do polideportivo universitario; e a contorna da piscina do CUVI, no caso do campus vigués.Cantas persoas poden participar?Hai 25 prazas dispoñibles no campus de Ourense e 50 no de Vigo.Podo participar individualmente?Si, podedes participar de xeito individual ou en equipos de ata cinco persoas. Como reservo praza?Podes reservar praza para ti ou para o teu equipo adquirindo unha ou varias entradas gratuítas a través deste evento. É moi doado, segue os seguintes pasos:<ol><li>Escolle o campus no que queres participar.</li><li>Adquire unha entrada gratuíta se participas individualmente. Se participades na modalidade por equipos, asegurádevos de reservar tantas entradas como integrantes teña o voso grupo (ata un máximo de 5).</li></ol>C﻿omo faremos o Bioblitz?A﻿s persoas e grupos participantes guiaranse polos itinerarios designados nos campus e tomarán distintas mostras e fotografías coa aplicación móbil iNaturalist. As imaxes serán identificadas pola aplicación, marcando a autoría, e logo serán gardadas na carpeta do proxecto para a súa verificación por parte dos guías. M﻿aterial e roupa recomendadaR﻿ecoméndase levar roupa cómoda e calzado axeitado, ademais de impermeable no caso de día chuvioso. Ademais, aínda que non é obrigatorio, aquelas persoas que dispoñan de prismáticos, artiluxios de medición e guías de campo poden levalos para facilitar a identificación das especies.Preciso un teléfono móbil?Polo menos unha persoa do equipo debe ter acceso a un teléfono móbil con conexión a internet. Así mesmo, aconsellámosche que descargues a aplicación antes de acudir ao evento.

Axenda Ourense

Atoparémonos na pista de atletismo do campus de Ourense, localizada a carón do polideportivo universitario. Alí, as persoas guías daranvos a información precisa para afrontar o desafío Bioblitz!

Encontro cos guías e explicación da actividade

Durante unha hora e media dedicarémonos a localizar e fotografar especies, rexistrándoas a través da app iNaturalist. Seguiremos os itinerarios marcados.

Desafío Bioblitz Ourense

Reunirémonos no punto de encontro inicial, onde os guías farán o reconto das observacións cualificadas dos diferentes equipos e persoas participantes. Farase entrega do/s premios ao/s gañador/es.

Reconto e entrega de premios

Axenda Vigo

Atoparémonos na praza do edificio Miralles. Alí, as persoas guías daranvos a información precisa para afrontar o desafío Bioblitz!

Desafío Bioblitz CUVI

Our {communityGuidelinesLink} describe the sort of content we prohibit on Eventbrite. If you suspect an event may be in violation, you can report it to us so we can investigate.

To report other categories of prohibited or illegal content, submit {link}

Bioblitz - Campus de Ourense e Vigo

Más eventos de Unidade de Cultura Científica e da Innovación da Universidade de Vigo

Descubre más eventos de Unidade de Cultura Científica e da Innovación da Universidade de Vigo, desde Ciencia y tecnología hasta otras experiencias que te encantarán.

Bioblitz - Campus de Ourense e Vigo

Más eventos de Unidade de Cultura Científica e da Innovación da Universidade de Vigo

Descubre más eventos de Unidade de Cultura Científica e da Innovación da Universidade de Vigo, desde Ciencia y tecnología hasta otras experiencias que te encantarán.

También te podría gustar...

Explora más eventos con diferentes fechas, precios y formatos para encontrar tu próxima gran experiencia.