Que difícil podería resultar se tivésemos que escoller entre todos os monólogos de Carlos Blanco, cal nos fai rir máis, cal resulta máis entrañable, cal máis pillabán... Pero o de Vilagarcía poñeránolo moi doado, xa que fixo unha revisión dalgúns dos seus monólogos mais coñecidos, entre os que figuran, As bravas da Arousa (Queres Kiwis?), A dobraxe porno, Galizara ou As grandes frases das nosas avoas e avós…

E como xa é un clásico nas súas intervencións, Carlos xogará con elementos de actualidade, improvisando, adaptando, xogando e facendo jazz coa palabra para que o público se deixe levar pola risa, tan necesaria nestes tempos.

30 anos de traxectoria resumidos, barallados e servidos para gozar en 60 minutos de risas garantidas. Son, os monólogos escollidos de Carlos Blanco.

Recomendado + 13 anos