Castes - Orixe

Volve CASTES. Volve, trala pandemia nesta edición 4+1. E volveremos á orixe, ao nacemento de CASTES, cun formato máis intimo, na procura de reiniciar o noso proxecto, xa de presente.

Despois dun parón moi complicado para todos os sectores dependentes da viticultura volveremos garantindo o máis importante: a seguridade. Con control de aforos e evitando desprazamentos masivos, para procurar así un disfrute de CASTES con seguridade e sentido.

Volve CASTES porque non queremos botar un ano máis en branco. E porque é desexo, e así no lo fixeron saber tamén, dos moitos adegueiros que nos apoian.

Volve CASTES pero ao tempo queda na casa. Vimos/volvemos ao Derby, que foi galardoada co premio de mellor taberna de viños de Galicia, recoñecemento que unimos ao galardón de mellor iniciativa de enoturismo de Galicia que recibiu CASTES no premios Magnum en 2019.

As datas programadas son o domingo 28 e o luns 29 de novembro. Entre as 12.30 e as 17 horas en formato túnel do viño, no propio DERBY (rúa Alcalde Rey Daviña. Vilagarcía). Neses mesmos días, de 20 a 21.30 h, teremos as catas verticais de bodegas en versión SPEAKEASY.

Os prezos das entradas daranse a coñecer en breve a través das nas nosas redes sociais, dende onde se poderán reservar ata que teñamos a plataforma de venda online activada. Sempre ata que se cubra o cupo de aforo que estipulamos: 40 persoas diarias.

Historia de Castes, coñece o noso orixe e a nosa traxectoria »