INSTRUCCIÓNS DE RESERVA:

Podes facer a túa reserva a través deste formulario ata o día luns 11 de setembro ás 23:00 horas.

Se asistes ao evento sen reservar as comidas, quizáis poidas mercar no momento algunha ración sobrante, pero non o podemos asegurar porque axustaremos as cantidades de comida ás prazas reservadas.

Preme o botón verde "REGISTRAR" para reservar as comidas que se servirán polo cáterin organizado por ESPIGA. Reservando as comidas evitarás desprazamentos ata a vila durante as xornadas. Ademais, estarás a contribuir económicamente coa asociación.

Podes reservar comidas para varias persoas. Serás ti, quen reserva, quen debe facer o ingreso do importe total na conta bancaria cuxo número che facilitaremos na mensaxe de confirmación.

Debes aboar o importe correspondente ás comidas reservadas e enviar o xustificante da transferencia a espigabioconstrucion@gmail.com. Por favor, indica no concepto da transferencia así como no asunto do correo "IVXornadasEspigaCOMIDAS" e escribe no correo as comidas reservadas.

*Nalgúns apartados do formulario indícase que as entradas son gratis. Isto soamente quere dicir que o pago non se realiza a través da aplicación do formulario, pero todas as comidas teñen un prezo que deberá ser aboado por transferencia bancaria.

Os xantares e ceas inclúen sobremesa, bebida, café ou infusións. A comida está elaborada con moito mimo. O produto fresco é de tempada, o resto provén de comercio de proximidade, máis do 80% da materia utilizada é ecolóxica. Eliximos un menú variado e completo optando pola opción vegana onde non botaredes de menos os produtos de orixe animal. Á hora de cubrir o formulario non esquezas especificar se tes algunha intolerancia ou alerxia para facer algo especial se fose necesario e que poidamos gozar todos xuntos deses momentos.

Prezos:

• Venres. Cea: 9€ / Cea infantil: 6€
  

• Sábado. Almorzo: 3€

• Sábado .Xantar: 12€ / Xantar infantil: 8€
  

• Sábado. Cea: 9€ / Cea infantil: 6€
  

• Domingo. Almorzo: 3€

• Domingo. Xantar: 9€ / Xantar infantil: 6€
  

Venderanse aparte outras bebidas durante as comidas.

Se tes calquera dúbida ou suxerencia podes escribir ao correo: espigabioconstrucion@gmail.com