4 eta 11 urte bitarteko haurrei zuzenduriko Tolosako erraldoi eta buruhandien tailerra eskainiko du Tolosa&Co-k eguberri hauetarako. Tailerrak 3 eguneko iraupena izango du eta bi txanda ezberdin daude: abenduak 23, 26 eta 27 eta abenduak 30 eta urtarrilak 2-3 (ondo begiratu sarreraren izenburua erosterako garaian).

Tailerraren lehen egunean haurren neurriko erraldoi eta buruhandiak sortuko dituzte Ferialekuan, bigarren egunean erraldoien dantzak ikasiko dituzte eta azken egunean erraldoi eta buruhandien osagarriak sortuko dituzte Zerkausian. Tailerrari amaiera emateko Tolosako kaleetan kalejira eskeiniko dute.