Luthieria electrónica e experimental é unha mostra e práctica de instrumentos deseñados e construídos por Honorino García na que ofrecerá un percorrido pola luthería contemporánea a través de instrumentos novos creados a través de obxectos cotiáns e últimas tecnoloxías levadas á música. Estes entes sonoros parten da descontextualización dun obxecto dentro da obra de arte. Obxectos que cun sentido e significado claro, pasan a ser vestidos pola obra de arte e o seu contexto cun significado completamente diferente.

A democratización das novas tecnoloxías e os materiais de última xeración, hoxe máis que nunca nos permiten converter case calquera obxecto en algo totalmente diferente para o que foi deseñado na súa orixe.

Este percorrido busca mostrar as posibilidades sonoras, técnicas e filosofía que se esconde tras estas propostas.

OLLO! Hai prazas limitadas e deberás presentar a túa entrada.

Se non te presentas, ás 19.25 a túa praza será readxudicada a outra persoa.

Co rexistro e esta entrada aceptas a posibilidade de aparecer en fotografías do evento como público do mesmo.

Ademais, aceptas a posibilidade de recibir dende a Universidade de VIgo unha enquisa para darnos a túa opinión sobre o evento, de realización voluntaria. Nunca serás contactado/a por outros motivos. Consulta a nosa política de protección de datos aquí.