Gregos e romanos estaban convencidos de que os homes, a diferencia dos deuses, só podían ser inmortais cando acadaban unha sona tan definitiva que xa nunca puidera ser esquecida. Pero para as culturas atlánticas, os heroes poden ser esquecidos e revivir, tras un longo soño nas illas, cando os tempos son chegados; os heroes galegos teñen a propiedade de mudar de pel para vivir agachados no futuro. Esta intervención no Castelo de Castrodouro, de a cabalo entre a narración oral e a conferencia, explora os sinuosos mecanismos de resiliencia, resistencia e subversión polos que na cultura galega, entre o culto popular, a tradición oral, as mitoloxías inventadas e a memoria colectiva, se forxan os heroes que viven, presentes ou agachados, no noso imaxinario.

Conferencia e música | Público adulto | Galego

Sobre Manuel Gago

Manuel Gago (Palmeira, Ribeira, 1976), é xornalista, escritor e comisario de exposicións. É director de culturagalega.gal, a plataforma de divulgación cultural do Consello da Cultura Galega e profesor na Facultade de CC. da Comunicación da Universidade de Santiago de Compostela. Os seus últimos libros son a novela Nus (Xerais, 2021) e O sangue das pantasmas (Festival Atlántica e Libraría Couceiro, 2020). A súa última exposición é Galicia, un relato no mundo (Museo Gaiás, 2019). No ámbito da divulgación científica e cultural mantén colaboracións radiofónicas na Radio Galega e columnas en La Voz de Galicia, El Progreso e Diario de Pontevedra e é membro dos grupos de investigación en Novos Medios da USC e Romanarmy.eu.

Mano Panforreteiro e Teresa Jarreño serán os artistas que acompañarán coa súa música á conferencia de Manuel Gago.

Heroes que dormen, heroes que resisten, heroes que mudan | Alfoz

Sigue a este organizador para mantenerte informado sobre eventos futuros

Eventos que podrían gustarte

Concierto de Fados en MondoñedoConcierto de Fados en Mondoñedo

Amazing Scavenger Hunt! - Ribadeo Riddles & Revelry HuntAmazing Scavenger Hunt! - Ribadeo Riddles & Revelry Hunt

Concierto de Fados en Mondoñedo

Amazing Scavenger Hunt! - Ribadeo Riddles & Revelry Hunt