A canle de ensaios hidrodinámicos do CIT é unha das poucas infraestruturas deste tipo en España. Permite probar as capacidades do comportamento no mar de estruturas flotantes que se ven sometidas á acción das ondas, xa sexan, modelos de barcos a pequena escala, turbinas eólicas flotantes ou convertedores de enerxía das ondas. Na demostración que se propón, explicarase o uso deste tipo de instalacións e amosarase un exemplo práctico: colocarase un pequeno barco pesqueiro en diferentes tipos de campos de ondas.

A actividade está pensada para todo tipo de público, pero se acuden menores de idade deberán ir acompañados por algún adulto.

Este taller levarase a cabo no Centro de Investigacións Tecnolóxicas do Campus de Esteiro (Ferrol).

Consulta a web do evento G-Night , para ver o resto de talleres dispoñibles.