En Árticos continuamos coa serie de obradoiros familiares, para nenos e nenas acompañados dun adulto (pai, nai, tios, profesores, ...) e centrados na tecnoloxía e na creatividade.

Chega agora un obradoiro familiar para os que xa fixeron o obradoiro de iniciación ou xa teñen coñecementos de Scratch, e desta volta vimos coa temática de programación con Scratch máis avanzada e integración con Lego WEDO. Nesta dinámica, as nenas, nenos e os seus pais ou titores chegarán a programar con Scratch e a interactuar cos Legos.

As prazas son limitadas e, aínda que desexariamos que fosen de balde, o prezo está destinado a cubrir o custe do material e espazo.

Lembrade que a prioridade de praza será para os que se apuntan a toda a serie de obradoiros e para os que asistiron ao obradoiro de iniciación.

Colaboran:

- Concellería de Xuventude e Participación Cidadá do Concello de Arteixo
- GDG Kids