Proxección 'Manoliño Nguema' e coloquio | SCQ

O Festival Atlántica, o Galician Film Forum e a Mostra Internacional de Cinema Etnográfico (MICE) do Museo do Pobo Galego acollen a estrea en Galicia do documental 'Manoliño Nguema'. Este documental está dirixido por Antonio Grunfeld e conta cun guión de Rocío Cadahía, que participará no coloquio posterior co protagonista, Marcelo Ndong.

SINOPSE

Marcelo Ndong, un artista africano sexagenario formado en España e que agora rexenta unha pequena gardería en Malabo (Guinea Ecuatorial), recibe unha inesperada proposta: montar unha obra de teatro que relate a súa propia vida. Marcelo creará en Malabo unha obra de teatro que será representada en Santiago de Compostela.

Unha viaxe persoal e creativa que nos conducirá desde a Guinea postcolonial e a España franquista ata a actualidade de ambos os dous países, a través do seu incrible periplo vital como mimo, músico, actor circense pero, sobre todo, como migrante.