Salud por Derecho, A Plataforma Galega de Afectados pola Hepatite C e a Coordinadora Anti-privatización da Sanidade Pública, participarán na proxección deste documental, no que expertos de todo o mundo falan e analizan os problemas actuais do sistema de innovación, investigación e desenvolvemento de fármacos.

O mundo enfróntase a un grave problema de saúde. A día de hoxe, a falta de acceso a medicamentos esenciais deixou de ser un problema exclusivo de países en vías de desenvolvemento, porén, estes seguen cargando coa maior parte do problema. Os casos da Hepatite C ou dos fármacos máis anovadores para o cancro demostran como o sistema de innovación e desenvolvemento de medicamentos está roto a nivel global.

O reto actual é construír un sistema de I+D e comercialización de fármacos eficiente, sostible e que garanta o acceso aos medicamentos que a poboación necesite a un prezo accesible. O documental analiza este reto e, ademais, ofrece alternativas e solucións.

Participarán na proxección e no posterior coloquio Vanessa López, directora de Salud por Derecho, Xulia Mirón García, representante da Coordinadora y Quique Costas, da Plataforma Galega de Afectados pola Hepatite C. O evento estará moderado polo/a xornalista Ricardo Sandoval.

Nos encantaría contar coa túa asistencia na proxección e a túa participación no debate posterior, para analizar este problema de saúde que nos afecta a todas e todos e cuxa solución depende, en gran parte, da sociedade e os seus gobernos.

Esperámosvos.