Solo de ciencia

No marco do Plan de Ciencia de Ida e Volta, a Unidade de Cultura Científica e da Innovación da Universidade de Vigo organiza esta sesión de monólogos científicos como colofón das actividades para conmemorar o Día da Ciencia en Galego, en colaboración coa Fundación Española para a Ciencia e a Tecnoloxía – Ministerio de Ciencia, Innovación e Universidades.

Neste espectáculo de comedia e ciencia tamén participará a persoa gañadora do I Concurso de monólogos científicos da UVigo "Gargallada científica", que interpretará o seu monólogo ao vivo, xunto con outras divulgadoras e divulgadores en galego.

Programa:

• Nanopartículas para flipar en cores - Ángela Arnosa

Máis aló do que podemos ver cos nosos ollos, existe un mundo diminuto, tan diminuto que conta coas súas propias regras. O mundo das nanopartículas, uns materiais con aplicacións punteiras que están a revolucionar campos coma a biomedicina. Pero... sabías que nese mundo, o ouro pode ser de cor vermella e a prata de cor amarela?

• As bacterias da miña boca - Andrea Muras

O monólogo conta de xeito sinxelo como as bacterias na boca se xuntan para formar a placa dental. Explica como estas bacterias falan entre si para organizarse e insta a manter unha boa limpeza dos dentes para evitar problemas.

• Monólogo persoa gañadora I Concurso de Monólogos Científicos da UVigo - Gargallada Cien´tífica

• Colofón: Monólogo Eureka! - Quico Cadaval

Esta actividade é gratuíta pero requírese inscrición previa. Prazas limitadas ata completar aforo.