Swipe-Up Trío + Lisdexia (Festival das Carrilanas)

Swipe-Up Trío

O novo proxecto musical no que Marián se rodea de Antón Torroncho e Carlos Gil dando vida a un formato innovador en clave de jazz, que abrirá o Festival das Carrilanas. Unha aposta por un proxecto que reflicte as inquietudes musicais de Marián nesta nova etapa na que deixa atrás a RoseMary e camiña con paso firme cara un futuro de inspiración baseada na muller que é.

Lisdexia

Unha banda de moita xuventude que xorde unha vez máis da factoría Nasmo e que mantén un gran vínculo co Festival das Carrilanas, teloneando por exemplo a Novedades Carminha na edición de 2019.

O seu último traballo “Domingo de resurrección” reflicte a inclusión de novos sons nas súas composicións de punk rock coas que aterrarán no festival esteirán logo do parón provocado pola pandemia.