Seminario de Scratch Ourense

Co obxectivo de difundir os valores da programación informática entre os nenos, os seus pais e os seus formadores, o Colexio Profesional de Enxeñaría Técnica en Informática (CPETIG) organizará o vindeiro día 8 de outubro un seminario de Scratch no que os participantes poderán acceder de forma lúdica e divertida ao mundo da programación, tomando conciencia da potencia desta ferramenta como medio de expresión de ideas e vehículo para o emprendemento.

Diríxese fundamentalmente a rapaces e rapazas de entre 7 e 15 anos, que acompañados dun adulto, poderán compartir unha xornada aprendendo e gozando da informática a través de Scratch.

A implicación e a concienciación dos pais neste ámbito servirá de apoio para que os nenos se sintan atraídos cara a programación informática, de xeito que esta actividade organizada polo colexio non sexa unha excepción, senón o principio dun labor a seguir no fogar.

Ademais, de xeito parello, levarase a cabo unha acción formativa en “Scratch” destinada ao profesorado. Esta actividade servirá como formación presencial dentro do programa “Aprendo programando” incluída no Plan Proxecta, dependente da Consellería de Cultura, Educación e Ordenación Universitaria, presentado polo CPETIG en asociación coa AMTEGA.

¿Hai algún requisito para asistir al evento?

Para o taller de rapaces, estes deberán ter entre 7 e 15 anos e virán acompañados dun adulto.

¿Precísanse coñecementos previos de programación ou Scratch?

Non.

¿É preciso traer algo?

Non. Haberá ordenadores a disposición dos asistentes.

¿Onde podo poñerme en contacto coa organización no caso de ter algunha pregunta?

Por correo (eventos@cpetig.org) ou no teléfono 630.778.003

¿Como accedo á ESEI?

Ver ubicación