En Agosto teremos una reunión diferente, como ven sabedes levamos un tempo intentando facer tecnoloxía no mar, para conseguir isto hai que conectar os puntos do mar cos da tecnoloxía.

O próximo 3 de Agosto iremos de visita a un dos estaleiros con maior vontade innovadora do país, Astilleros Cardama. Cardama que celebra este ano o seu centenario leva facendo barcos de todo tipo para todo o mundo. Empezaron con barcos de madeira e hoxe en día usan as mais avanzadas técnicas para o corte e soldadura de metal.

Actualmente Cardama é un dos estaleiros mais activos de Vigo, estando actualmente ca construción de dous remolcadores para Marrocos e un barco multi-propósito para Irak. Ademais da construción de barcos este estaleiro tamén é coñecida por facer outro tipo de proxectos innovadores, nos últimos anos esta involucrado en proxectos de xeración de enerxía eléctrica polo movemento das mareas ou en proxectos de talleres móbiles a pe de barco para reparacións rápidas.

Esta visita consistirá en facer unha excursión dentro dun estaleiro, ver o tipo de barcos que existen e coñecer de primeira man as solucións tecnolóxicas que se usan no mar e estaleiros.

Para a entrada no estaleiro é necesario traer o DNI por motivos de seguridade.

O punto de reunión será na entrada principal do Estaleiro na Av. da Beiramar, 12, Vigo. Empezarase as 19:30, agradecese chegar algo antes para cubrir o rexistro co DNI.

O pre-rexistro é obrigatorio.